Pidato Bahasa Jawa Jamaah Haji
Pembukaan Pidato Jamaah Haji
السلام عليكم ورحمة الله وبركاته
Poro Bapak, poro Ibu hadirin sekalian ingkang kaulo hormati!
Monggo kulo lan panjengengan sedoyo samiho nglahiraken rasa syukur dateng Alloh SWT. ingkang sampun paring pinten-pinten rohmat, ni’mat sehat dumateng kulo lan panjenengan sedoyo, sehinggaa kulo lan panjenengan saget rawuh ing puniko majlis dalam rangka menyambut kerawuhan poro Jama’ah haji ingkang ing saat sa meniko sami makempal wonten ing pendopo Kabupaten meniko.
Kulo piambak sanget merasa terharu, bungah lan tumut bongo dene menopo sederek-sederek kito ingkang sampun ninda’aken ibadah rukun Islam ingkang kaping gangsal inggih puniko ibadah haji wonten ing tahun meniko sampun rawuh wonten ing tanah ayr malih, saget ngelaksanakaken ibadah haji kanti aman selamet mulai bidal ngantos wangsul malih sukses anggenipun ngelaksanakaken syarat lan rukunipun haji kanti sempurna.
Pramilo monggo kito dungakaken mugi-mugi saget dados haji ingkang mabrur, haji ingkang dipun trami wonten ngarsanipun Alloh SWT. Soho kangge sederek-sederek ingkang dereng saget nglaksanakaken ibadah haji enggalo ketularan dipun paring rizki ingkang katah dening Alloh sehingga wonten tahun ingkang bade dateng dipun panggil dening Alloh saget ngelaksanakaken ibadah haji. Amin Ya Robbal ‘Alamiin.
Isi Pidato Jamaah Haji
Poro rawuh ingkang kaulo hormati!
Wau sampun kulo aturaken dene ibadah haji meniko merupakan salah setunggalipun rukun Islam ingkang kaping gangsal, maksudipun kangge tiyang Islam ingkang sampun mampu ko’ dereng nindakaken haji meniko dereng sempurna Islamipun. Lan keranten sanget agungipun ganjaran utawi pahala saking ibadah haji, Kanjeng Nabi sampun ndawuhaken:
اَلْحَجُّ الْمَبْرُوْرُ لَيْسَ لَهٗ جَزَآءٌ إِلَّا الْجَنَّةَ . (رواه أحمد(
Ingkang artosipun: Haji ingkang mabrur meniko mboten wonten balesanipun kejawi swargo.
Poro Bapak, poro Ibu Hadaaniyallohu waiyyaakum!
Kanti wontenipun hadits wonten inggil kolowahu agung sanget ganjaranipun tiyang ingkang nindakaken ibadah haji, bade dipun bales swargo dening Alloh SWT. Pramilo saking meniko, menawi kito sampun dipun paringi kejembaran rizki dening Alloh, monggo enggal kito laksanakaken prentahipun Alloh meniko sampun ngantos kito tunda-tunda lan sampun ngantos kita gadah anggapan bilih ibadah haji meniko saged ngurangi kekayaan keranten nelasaken biaya katah lan saget nambahi kemiskinan.
Menawi kito nggadahi anggapan kados mekaten perbuatan meniko dados kufur. Kerantan ingkang dipun printah dening Alloh nglaksanakaken haji meniko tumerap tiyang ingkang sampun mampu. Alloh dawuh wonten al-qur’an:
وَلِلّٰهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيْلاً وَمَنْ كَفَرَ فَإِنَّ اللهَ غَنِيٌّ عَنِ الْعَالَمِيْنَ .Ingkang artosipun:
Wong-wong sing wis mampu (netepi syarat lan rukune) den wajibaken dening Alloh ngelaksanakaken ibadah haji lan sing sopo wong tumindak kufur (ora peraya marang Alloh lan ngingkari kewajiban haji) mongko saktemene Alloh niku Moho Semugih songko wong sak alam kabeh.
Poro rawuh ingkang minulyo!
Kejawi saking meniko ibadah haji ingkang mabrur meniko termasuk salah setunggalipun amal ingkang utami sak sampunipun iman lan jihad fi sabilillah, kanjeng Nabi dipun tangleti:
يَارَسُوْلَ اللهِ، أَيُّ الْأَعْمَالِ أَفضَلُ؟ قَالَ: اَلْإِيْمَانُ بِاللهِ وَرَسُوْلِهٖ، قِيْلَ ثُمَّ مَاذَا؟ قَالَ: اَلْجِهَادُ فِيْ سَبِيْلِ اللهِ، ثُمَّ قِيْلَ ثُمَّ مَاذَا؟ قَالَ: اَلْحَجُّ الْمَبْرُرُ (رواه أبو هريرة)Ingkang artosipun:
“Ya Rosulalloh, amal punopo ingkang langkung utami?” Kanjeng Nabi dawuh: “Iman marang Alloh lan utusane.” “Lajeng punopo?” Kanjeng Nabi dawuh: “jihad fi sabilillah” “Lajeng punopo?” Kanjeng Nabi dawuh: “Haji kang mabrur”.
Penutup Pidato Jamaah Haji
Poro rawuh ingkang minulyo!
Ingkang terakhir sebagai atur kulo, mugi-mugi jama’ah haji ingkang sampun rawuh meniko dipun dipun dadosno haji ingkang mabrur, sedoyo amal ibahipun sami dipun trimo dening Alloh dipun bales swargo lan mugi-mugi poro rawuh ingkang dereng haji sageto angsal barokahipun sederek-sederek ingkang sampun haji meniko, sehinggo tahun ingkang bade dateng sedoyo sami saget haji. Amin.
Kangge atur kulo, kulo cekapi semanten.
والسلام عليكم ورحمة الله وبركاته
Pidato Bahasa Jawa Idul Adha
Assalamualaikum wr. wb.
Poro rawuh ing kang mulya,
mangga samiya netepi taqwa dumateng Allah S.W.T, tegesipun tansah anderek dumateng dawuh-dawuhipun lan nebihi awisan-awisanipun. Lan mangertoso bilih sekedap malih kita bade mlebet wonten ing wulan ing kang agung. Yakni wulan Dzulhijah, wulan Dzulhijah puniko termasuk wulan ing kang mengku keutamaan-keutamaan.
Setengah saking keutamaan-keutamaanipun inggih punipo arupi wontenipun riyaya qurban utawi Idhul Adha. Wonten ing wulan puniko ugi minangka wulan ing kang Gusti Allah remen sanget menawi kawulanipun sami ngatah-ngatahaken amal sholeh lan takhorub dumateng Allah.
Kados dawuh ing setunggal diriwayataken saking sahabat Ibnu Abbas R.A, Rasulallah SAW dawuh:
“Ora ana dina-dina kang amal sholeh iku luwih demenaken marang Allah tenimbang dina-dina iki, yakni sepuluh dina wulan Dzulhijah”
Ora ana dina-dina kang luwih demenaken marang Allah yen den gawe ibadah tinimbang sepuluh dinane wulan Dzulhijjah. Puasa saben dinane madani puasa setahun lan olihe jumeneng ibadah ana saben-saben wengine madani jumenenge ibadah ana wengine lailatul qadar.
Mila lumantar makna hadits ing duwur, mangga samiya anggugah bates kito sami dumateng ibadah Qurban ing kang agung sanget fadilahipun.
Wassalamualaikum Wr. Wb..
Pidato Maulid Nabi Bahasa Jawa :
Pembukaan Pidato Maulid Nabi :
السلام عليكم ورحمة الله وبركاته
Poro Bapak poro Ibu hadirin sedoyo ingkang kulo hormati!
Monggo kulo lan panjenengan sedoyo samiho manjataken rahos syukur Alhamdulillah dateng ngarsanipun allah SWT. dene menopo Alloh sampun paring hidayah, inayah, rohmat lan keni’matan dumateng kulo lan panjenengan sedoyo sehingga kulo lan panjenengan sami saget makempal wonten ing puniko majlis kanti sehat wal ‘afiyat.
Poro rawuh ing saat meniko monggo kito niat ibadah dateng Alloh, niat ta’dzim utawi hormat dinten kelahiranipun junjunngan kito Nabi Agung Muhammad, salah setunggalipun Nabi pemimpin umat, Nabi ingkang sanggup bade paring syafa’at, boten pandang sugih utawi melarat, boten pandang rakyat utawi pejabat, sami ugi wonten ing dunyo utawi akherat, mugi-mugi kulo panjenengan benjang saget angsal rohmat lan syafa’at, saking panjenenganipun benjang ing dinten kiamat. Amin.
Isi Pidato Maulid Nabi Bahasa Jawa :
Poro rawuh ingkang minulyo!
Junjungan kito Nabi Muhammad SAW. meniko salah setunggalipun Nabi ingkang nggadahi sifat kemanusiaan ingkang paling sempurno. Dene ingkang paling menonjol sifatipun Kanjeng Nabi wonten kalangan manungso inggih puniko sifat kejujuranipun soho akhlakipun ingkang mulyo ngantos Kanjeng Nabi terkenal wonten kalangan tiyang Arab dipun sebut Al-Amin, tegesipun tiyang ingkang saget dipercoyo, ugi Alloh piyambak ngakoni mulyonipun akhlakipun kanjaeng Nabi dipun sebat wonten al-Qur’an surah al-Qolam ayat sekawan:
Ingkang artosipu
“Lan sak temene siro iku bener-bener netepi pekerti kanga agung”Poro Bapak poro Ibu ingkang minulyo!
Keranten akhlak ingkang mulyo lan agung, Kanjeng Nabi saget membangun mental Bangsa Arab saking zaman jahiliyyah menuju zaman Islamiyyah, kito sampun ma’lum wonten kitab-kitab tarikh utawi sejarah Islam, bilih sa’derengipun Kanjeng Nabi lahir dipun watani zaman jahiliyyah, zaman kebodohan, Bangsa Arab wonten zaman niku dereng mengenal sinten Pengeran ingkang berhak disembah, tiyang-tiyang katah ingkang nyembah kayu, watu, nyembah braholo, omben-ombenan arak, maen judi, kertu, remi lan sa’ piturutipun, meniko sampun terbiasa, keranten dereng mengenal kebenaran lan kesesatan, dereng mengenal halal lan harom.Pancene menawi dipun ma’nani, “maen” niku ma’nane “maunya enak”, tapi emoh kangelan, lumuh nyambut gawe, semanten ugi “judi”, ma’nane “sing maju dadi”, dadi nopo? Dadi wong mlarat. Bangkrut. Semanten ugi “kertu” “duit ning sengker dadi metu” asale panen dodol gabah, duit kebek nang jeroneng sak.
Bareng silo, nyandak kertu, akhire duit sing disengker malah dadi metu. Semanten ugi “remi” ma’nane “njareme lami” tiyang remi niku nek menang ngotot golek musuh. Bareng kalah, njareme lami, suwe. Mulane Kanjeng Nabi terus dipun lahiraken wonten ing tengah-tengah kebobrokan mental bangsa Arab supados nyempurnakaken akhlak utawi budi pekerti. Kanjeng Nabi pun dawuh:
(إِنَّمَا بُعِثْتُ لِأُتَمِّمَ مَكَارِمَ الْأَخْلاَقِ. (رواه أحمد
Ingkang Artosipun
“Sa’ temene ingsun diutus supoyo nyampurnakake budi pekerti”
Poro bapak poro Ibu ingkang kulo hormati!
Agengipun pengaruh kemulyaan akhlak Kanjeng Nabi sehinggo syi’ar kejayaan Islam mboten namung terbatas wonten kalang tiyang Arab mawon tapi terus meluas berkembang ngantos seluruh dunia. Pancen keutusipun Kanjeng Nabi meniko mboten khusus wonten negeri Arab mawon tapi dateng seluruh alam, Alloh dawuh wonten Al-Qur’an Surah Al-Anbiya’ ayat satus pitu:
Ingkang Artosipun
“Lan Ingsun ora ngutus siro (Muhammad) kejobo aweh rohmat maring wong sa’ alam donyo.
Pentutup Pidato Maulid Nabi Bahasa Jawa :
Poro rawuh ingkang minulyo!
Dados kautusipun Kanjeng Nabi meniko merata dateng sedoyo tiang sa’ alam donyo. Mugi-mugi kito mbenjang sageto angsal syafa’atipun benjang dinten qiyamat.
Kintenipun cekap semanten uraian singkat tentang Maulid Nabi ingkang saget kulo aturaken kirang langkungipun nyuwun pangapunten.
والسلام عليكم ورحمة الله وبركاته
Pidato Bahasa Jawa Tentang Pendidikan
Pembukaan Pidato Bahasa Jawa Pendidikan:
السلام عليكم ورحمة الله وبركاته
Poro Bapak lan poro Ibu ingkang kaulo hormati.
Monggo wonten ing saat sa’meniko kulo lan panjenengan sedoyo samiho muji syukur dating Allah SWT. dene menopo wonten ing saat sa’meniko Allah sampun paring pinten-pinten rohmat, welas asih lan keni’matan dumateng kilo lan panjenengan sedoyo, sehinggo kula lan panjenengan sami saget keroyo-royo, bagi waktu ninggalaken griyo, ninggal bondo lan rojo koyo, sami makempal wonten majlis puniko, boten ateges prawan golek joko, utawi dudho golek rondho, tapi leres-leres pados ilmu agomo, ilmu sing keno kanggo sangu dating griyone moro tuwo, soho ilmu sing keno kanggo sanguine madep dating Alloh kang Moho Kuoso.
Mugo-mugo, mangke wangsul saking pengajian niki samio ngasto ilmu sing manfaah, ilmu sing maslahah, ilmu sing biso mbuahne amal perbuatan tondak-tanduk, solah bowo, toto coro ingkang pikantuk ridlo lan hidayah.
Lan mugo-mugo, sing rejekine rupek diparingono murah, sahinggo uripe tentrem ora kakehan polah, karo tonggo teparone rukun ora tahu congkrah, karo keluargane guyup ora ono sing serakah, yen due putro dipun dadosno putra ingkang sholeh lan solehah, putra ingkang tho’at dumateng tiyang sepah, soho manut miturut dating si embah, yen dikon nunggu umah meneng ora gelem ngedoli gabah, akhire kulo panjenengan gesang kanthi wabillahi taubah, soho pinaringanpungkasan ingkang husnul khotimah, Al-Fatihah…
Isi Pidato Bahasa Jawa Pendidikan:
Poro Bapak poro Ibu ingkang kaulo hormati!
Junjungan kito Nabi besar Muhammad SAW. sampun dawuh:
طَلَبُ الْعِلْمِ فَرِيْضَةٌ عَلٰى كُلِّ مُسْلِمٍ وَمُسْلِمَةٍ . الحديث
Ingkang artosipun,
Pados ilmu puniko fardlu tumerap saben-saben tiyang Islam jaler lan estri.
Ugi dawuhipun malih:
طَلَبُ الْعِلْمِ مِنَ الْمَهْدِ إِلَى اللَّحْدِ
Ingkang artosipun,
Pados ilmu puniko awit isih ono bandulan tumeko menyang luwangan utowo mati.
Poro Bapak poro Ibu sedoyo! Kanthi wontenipun hadits Nabi meniko sampun jelas bilih ingkang wajib pados ilmu meniko sedoyo tiyang Islam mboten pang bulu, mboten pandang waktu, dados senajan to tiyangipun puniko sampun tuwek, elek, ngrowek, untune entek, wis ora tedas peyek, mlakune wis ndeyek-ndeyek, asal durung matek, meniko tetep kuwaiban pados ilmu utawi nga……….ji.
Kejawi saking meniko, kepentingan ilmu meniko diatas segala-galanya. Tegesipun tiyang puniko bade ngayuh nopo kemawon kedah mawi ilmu. Contonipun menawi tiyang puniko kepengen dados dokter kedah gadah ilmune dokter, menawi tiyang puniko kepengen dados pedagang kedah gadah ilmune dagang, menawi tiyang puniko kepengen dados pegawai kedah gadah ilmune, meniko ngantos sa’ terusipun. Bahkan keranten sanget pentingipun ilmu, tiyang ingkang bade ngambah dalanipun ilmu puniko dipun jamin kaliyan Allah, bade dipun gampangaken dalanipun dating swargo. Dawuhipun Kanjeng nabi:
مَنْ سَلَكَ طَرِيْقًا يَطْلُبُ فِيْهِ عِلْمًا سَلَكَ اللهُ بِهٖ طَرِيْقً إِلَى الْجَنَّةِ . (رواه مسلم
Ingkang artosipun,
Sing sapa wonge ngambah dalan tumuju marang golek ilmu, mongko Alloh nggampangangaken dalan marang wong iku nuju marang swargo.
Pentutup Pidato Bahasa Jawa Pendidikan:
Poro Bapak poro Ibu ingkang kaulo hormati!
Dados mekatenlah keranten sanget pentingipun ilmu, Alloh paring jaminan dipun gampangaken dalan dating swargo. Nopo maling menawi ingkang gadah ilmu meniko lare joko-joko lan prawan-prawan, ngantos dipun tembungaken:
Kayu nongko digraji-graji
Dienggo lawang karo lemari
Dasar joko kok pinter ngaji
Akeh prawan sing podho antri
Kayu waru digraji-graji
Kayu nongo dienggo lemari
Dasar Ayu kok pinter ngaji
Akeh joko sing arep ngrabi
Poro hadirin mekatenlah ingkang saget kulo aturaken kirang langkungipun nyuwun pangapunten.
والسلام عليكم ورحمة الله وبركاته
Contoh Naskah Pidato Bahasa Jawa Peringatan Hari Kartini
Pembukaan Pidato Hari Kartini
Assalamu’alaikum Wr. Wb.Nuwun, para rawuh sedaya, para remaja putri ingkang kawula kurmati. Saderengipun, sumangga kita sesarengan muji syukur ing pangarsanipun Gusti ingkang Akarya Jagad, awit sih nugraha ingkang kaparengaken dhumateng kita sedaya, saengga ing siang/dalu menika kita sedaya saged sesarengan makempal ing papan saha wekdal menika kanthi raharja mboten kirang satunggal menapa.Salajengipun, kula minangka ketua panitia penyelenggara pengetan Hari Kartini ngaturaken agenging panuwun dhumateng panjenengan para rawuh ingkang sampun nglonggaraken wekdal kersa rawuh undangan ingkang sampun lumantar dhumateng panjenengan sedaya.Isi Pidato Hari Kartini
Para rawuh sedaya, sampun kita mangertosi bilih Raden Ajeng Kartini miyos nalika tanggal 21 April 1879 ing Jepara. Pramila ing tanggal 21 April menika kita pangeti minangka dinten lairipun Raden Ajeng Kartini. Kangge mengeti perjuanganipun Raden Ajeng Kartini ingkang sampun ngangkat drajatipun wanita Indonesia ngantos saged sami kaliyan drajating priya.Rikala gesangipun Raden Ajeng Kartini, para wanita Indonesia tansah wonten ing pingitan. Para wanita mboten dipun keparengaken sekolah. Boten kepareng gadhah padamelan sami kaliyan priya. Nanging samenika, para wanita sampun sami drajatipun kaliyan kaum priya.Asil perjuanganing Raden Ajeng Kartini pranyata saestu saged kaleksanan, samenika sampun kathah para wanita ingkang lenggah ing jabatan penting dados ketua utawi pemimpin, kados Ibu Megawati Sukarnoputri Presiden Republik Indonesia ingkang kaping gangsal.Saupami Raden Ajeng Kartini taksih sugeng temtu remen priksa kawontenan kaum wanita ing wanci menika. Hak-hakipun, sami kaliyan para priya. Emansipasi ingkang dipunkersakaken R.A Kartini inggih menika ngagenging haking panggesangan sami antawisipun priya kaliyan wanita, menawi priya saged sinau ing pawitan luhur, wanita inggih dipun parengaken. Wanita mboten naming ing pawon.Penutup Pidato Hari Kartini
Para rawuh sedaya ingkang kula kurmati, menawi para wanita sampun sami nyambut damel kangge majengaken negari tuwin agami, nanging mboten kesupen wanita gadhah jejibahan anggulawentah putra ing kulawarga lan ugi makarya minangka tandha darma bektinipun dhateng negari.Pamung menika ingkang saged kula aturaken, mboten kesupen kula ngaturaken agunging panuwun, dhumateng para rawuh ingkang sami nyyengkuyung pangetan menika kanthi biyantu arupi menapa kemawon. mugi sedaya wau pikantuk piwales ingkang murwat saking Gusti Ingkang Akarya Jagad.Menawi anggen kula matur wonten kalepatan saha solah bawa ingkang kirang mranani penggalih panjenengan sedaya, kula nyuwun pangapunten.NuwunWassalamu'alaikum Wr. Wb.
0 Comments